പൂമരം

പൂമരം

വഴിയരികിൽ വളർന്നു തണലായും താങ്ങായും ഏറെ നാളായി അവളവിടെ ..

ഒരു പുതുമഴയ്ക്കു കാത്തുനിൽക്കാതെ.

ഋതു ഭേദത്തെ സ്വീകരിച്ചവൾ തനു പോലെ മനവും പൂക്കളാൽ നിറഞ്ഞവൾക്കുള്ളിൽ മുള പൊട്ടിയതായിരം വിത്തെന്നഞ്ഞില്ലൊരു ത്തരും.

ഇനിയും - വരും നേരമീ വസന്തം തീർന്നെങ്കിലെന്നാകുലപ്പെട്ടതി വേഗം ചാഞ്ഞും ചെരിഞ്ഞും കൂടെ ചിത്രമെടുത്തവർ , കണ്ടില്ലാ നിന്നിൽ ഇനിയൊരു പൂമരത്തൈകളും.!

ആകാവുന്നത്രയും പുൽകി നീ വാനം ചെഞ്ചോപ്പു കൊണ്ടലങ്കരിക്കിലും കണ്ടു മതിവരാ കാഴ്ചയിതെങ്കിലും , മുറ്റും തണലിനെ കൊന്നിട്ടു പാത നിർമിച്ചവർ കണ്ടില്ല - ഇനിയും വരും പൂക്കാലവും പൂക്കൾ വിതാനിക്കും പാതയും നിൻ്റെ ഗർഭത്തിൽ വളരുന്ന പൂമരക്കാടും.

ഷെമീറ റാഫി